Feb 16th

You prepare your whole life for your death - Buddhist saying
Love to listen to Krista Tippet interviewing all these compassionate people on religion, spirituality, humanity on her show Speaking of Faith.
You can listen to the mp3 shows on http://being.publicradio.org

Division

201.శ్రీకర శివ తత్వశీలుఁడౌ వేమన
ప్రాకటముగ వేయుపద్యములను
లోకమందుఁ జదివెలోవెతఁ బాయరో
విశ్వదాభిరామ వినుర వేమ

202.వేయుపద్యముల వివేకియై భక్తితోఁ
బఠనఁ జేసినట్టి భక్తులకును
బాయకుండు మోక్షపద మరచేతిదై
విశ్వదాభిరామ వినుర వేమ

201.శ్రీకర శివ తత్వశీలుఁడౌ వేమన
ప్రాకటముగ వేయుపద్యములను
లోకమందుఁ జదివెలోవెతఁ బాయరో
విశ్వదాభిరామ వినుర వేమ

202.వేయుపద్యముల వివేకియై భక్తితోఁ
బఠనఁ జేసినట్టి భక్తులకును
బాయకుండు మోక్షపద మరచేతిదై
విశ్వదాభిరామ వినుర వేమ

201-220

201.శ్రీకర శివ తత్వశీలుఁడౌ వేమన
ప్రాకటముగ వేయుపద్యములను
లోకమందుఁ జదివెలోవెతఁ బాయరో
విశ్వదాభిరామ వినుర వేమ

202.వేయుపద్యముల వివేకియై భక్తితోఁ
బఠనఁ జేసినట్టి భక్తులకును
బాయకుండు మోక్షపద మరచేతిదై
విశ్వదాభిరామ వినుర వేమ

203.శతసంఖ్యపదమ్ముల నే
మతిమంతుడు పఠనసేయు మమతలు దీరు
న్నతఁడే నాలుగుపదముల
శితికంఠునిపదము జేరు సిధ్ధము వేమా

204.ఎన్నఁగ మనసే కారణ
మన్నిటికిని జూడఁజూడ నాత్ముఁడు తానై
యున్నంతకాల మెచ్చట
నున్నను నిదినిజముఁ దెలియ నొప్పగు వేమా

205.సర్వము తానని తెలిసిన
నిర్వాణికిఁ గాక ముక్తి నిలుపఁగ వశమా
ఉర్వెల్లఁ దాను తిరిగిన
పర్వత బిలజలధులందుఁ బడినను వేమా

206.చదువులఁ జదివినవారలు
పదవిని బొందంగలేరు పరమార్థముగాఁ
బెదవులఁ గదలకయుండిన
మదిలో నది రాజయోగమహిమము వేమా

207.తలపఁగ మూలమందు పరతత్వము దెల్పగ పాటుగాదు లో , బలిమిని నాత్మగుట్టు మది భావననెంచగ బ్రహ్మకల్పమును , గలుగును ముక్తి జీవులకుఁ గావున నాత్మవిధానద్రుశ్య మీ సలలిత శక్తిరూపు నిను నన్నుతి వేమన చేసె కల్పమున్

208.ఆకు చాటునుండు నన్నిలోకంబులు
కొమ్మ గానరాదు బ్రహ్మకైన
కొమ్మ గానఁబడినఁ గొనియాడవచ్చురా
విశ్వదాభిరామ వినుర వేమా

209.పిలిచినఁ బల్కకుండు మఱి పిల్చిన నేమనకూరకుండుఁద, దలఁచిన నెవ్వ రేమనినఁ దన్నునుగాదని నవ్వుచుండు నా,త్మలఁ దలపోయుచుండు నెఱ తత్వము నిత్యము దానయై సదా, తెలిసినయోగి వేమనగతి శివరూపుఁడు నెల్ల తావుల

210.ఒక్కడు రోగి యాయె మఱి యొక్కఁడు దిక్కులఁద్యాగి యాయె , వేఱొక్కఁడు భోగి యాయె నటు నొక్కఁడు చక్కనియోగి యాయెఁ, దా నొక్కఁడు రాగి యాయె నినుబోలు మహాత్మునిఁగాన మెచ్చట, నిక్కము నిన్ని రూపములు నీకును జెల్లుగదన్న వేమనా

211.విషయములు తెరల పొలుపున
విషయము లంటక మహాత్ము విధమున ధరలో
విషసంసారము లన్నియు
విషయము లన్నియును గెల్వ వేమన నేర్చున్

212.కాదని యెవ్వరితోడను
వాదాడక దిరుగు వెర్రి వాఁడును వలెనే
భేదాభేదము లడచును
వేదాంతరహస్య మెల్ల వేమన నేర్చున్

213.దాన మమరఁజేసి దరిఁజేరు నొకవంక
మనము నమ్మెనేని మాయ గల్గు
జ్ఞానకలిక నమ్మఁజంపును వైరుల
విశ్వదాభిరామ వినుర వేమ

214.ఎందు నెఱుకవాని కిహపరములు లేవు
ప్రాణహానిలేదు ప్రళయమునను
ప్రళయకాలమైనఁ బరమాత్ముఁ గలయురా
విశ్వదాభిరామ వినుర వేమా

215.దేవుఁడనగ వేఱు దేశమందున్నాఁడె
దేహితోడ నెపుడు దేహమందె
వాహనముల నెక్కి వడిఁదోలు మన్నాఁడు
విశ్వదాభిరామ వినుర వేమా

216.సొమ్ముదొరకుదనుక జ్యోతి యంతియెకాక
సొమ్ము దొరకువెనక జ్యోతియేల
దేవుఁడైన వెనుక దేహంబు మఱియేల
విశ్వదాభిరామ వినుర వేమా

217. గురుచరణముఁబట్టఁ గుక్కలు గఱచును
గురుచరణము విడువఁ గుక్క గఱచుఁ
గుక్కకున్న బుద్ధి గురనకు లేదురా
విశ్వదాభిరామ వినుర వేమా

218.ఆత్మబుద్ధివల్ల నఖిలంబు తానయ్యె
జీవబుద్ధివలన జీవుఁడయ్యె
మోహబుద్ధినియము ముందరఁగనుగొని
విశ్వదాభిరామ వినుర వేమా

219.ఈ దేహ మన్నిభంగులఁ
బ్రోచియు నొనరంగ నేలపోవుట కాదె
మీఁదెఱిగి మురికి గడుగను
భేదంబులు మాన ముక్తి బెరయుర వేమా

220.పిల్లి యెలుకబట్టఁ బ్రియమున నుండగ
నధియు కోడిఁబట్ట ననుగమించు
మమత విడువకున్న మానునా మోహంబు
విశ్వదాభిరామ వినుర వేమా

181-200

181.లోకములకు గురువు లోకులకును గురు
వదియుఁ దెలిసిమోక్ష మందురోరి
గురునిఁ గనక నరక కూపము నందురు
విశ్వదాభిరామ వినుర వేమ

182.జీవిలోననుండు సిద్ధునిగానక
తిరుగు నస్థిరంబు వరుసనమ్మి
స్థిరము నస్థిరమును దెలియ జీవికి ముక్తి
విశ్వదాభిరామ వినుర వేమ

183.గతము చూతమన్న కలఁగన్న యర్థంబు
నడుచు కార్యమేని నమ్మరాదు
క్షణములోని బ్రతుకు సంసార విభ్రాంతి
విశ్వదాభిరామ వినుర వేమ

184.తాననంగ నెవరు తనవారన నెవరు
తెలిసి తెలియలేరు తిక్కనరులు
అరయ పిసినికాయ పురుగు పద్ధతికాగ
విశ్వదాభిరామ వినుర వేమ

185.భయముసుమీ యజ్ఞానము
భయముడిగిన నిశ్చయంబు పరమార్థంబౌ
లయముసుమీ యీదేహము
జయముసుమీ జీవుఁడనుచుఁ జాటర వేమా

186.చచ్చెఁ జచ్చె ననుచుఁ జావుకు వగ చెడు
దీననరుల వెఱ్ఱి దెలుపరాదు
ప్రాణమునకు మ్రుత్యు బంధంబు లుడుగునా
విశ్వదాభిరామ వినుర వేమ

187.జననమరణములకు సరి స్వతంత్రుఁడు గాఁడు
మొదట కర్తగాఁడు తుదను గాఁడు
నడుమకర్త ననుట నగుబాటు కాదొకో
విశ్వదాభిరామ వినుర వేమ

188.బ్రహ్మమేడ ననుచు పలుమాఱు లాడేరు
వెఱ్ఱిమూర్ఖ జనుల విధముఁజూడ
బ్రహ్మ మన్నిటందుఁ బరిపూర్ణమైయుండు
విశ్వదాభిరామ వినుర వేమ

189.పసులవన్నె మేఱు పాలేకవర్ణమౌ
పుష్పజాతి వేఱు పూజయొకటి
దర్శనంబు వేఱు దైవం బ దొక్కటే
విశ్వదాభిరామ వినుర వేమ

190.పనితొడవులు వేఱు బంగారమొక్కటి
పరగ ఘటము వేఱు ప్రాణమొకటి
అరయఁ దిండ్లు వేఱు ఆఁకలి యొక్కటి
విశ్వదాభిరామ వినుర వేమ

191.కానలేఁడు నుదురు కర్ణముల్‌ వీపును
నెఱులు కానలేఁడు నెత్తిమీఁద
తన్ను గానలేఁడు తత్వమెఱుఁగును
విశ్వదాభిరామ వినుర వేమ

192.తిరిగి తిరిగి నరుఁడు మరులుకొనుటేగాక
అందువలన నేమి యాసలేదు
అంతరాత్మ నిలుపునతఁడెపో బ్రహ్మంబు
విశ్వదాభిరామ వినుర వేమ

193.చిత్తమనెడు వేరు శిథిలమైనప్పుడే
శక్తియనెడు చెట్టు పడును పిదపఁ
గోర్కు లనెడు పెద్ద కొమ్మలెండును గదా
విశ్వదాభిరామ వినుర వేమ

194.తిట్టికొట్టిరేని తిరిగి మాఱాడక
యూరకన్నఁ జూడనుర్విమీద
వాఁడగు పరమాత్మ వర్ణింప శక్యమా
విశ్వద్దభిరామ వినుర వేమ

195.కల్మషఁబు సోఁకఁ గనుపించ దెందును
రూప మెవ్వరికిని రూడితోడ
తామసం బుడుగినఁ దగఁగల్గు జ్ఞనంబు
విశ్వదాభిరామ వినుర వేమ

196.నీటిలోన వ్రాఁత నిలువకయున్నట్లు
పాటిజగతి లేదు పరము లేదు
మాటమాటకెల్ల మనసు కోరుచునుందు
విశ్వదాభిరామ వినుర వేమ

197.దొంగ తెలివిచేత దొరకునా మోక్షంబు
చేతఁగాని పనులఁ జేయరాదు
గ్రుడ్డనంగ వలదు గుణహీనుఁడవలె
విశ్వదాభిరామ వినుర వేమ

198.ఆసలఁ దెగఁగోసి యనలంబుఁ జల్లార్చి
గొచి బిగియఁబెట్టి కోపమడఁచి
గుట్టు మీఱవాఁడు గురువుకు గురువురా
విశ్వదాభిరామ వినుర వేమ

199.ఆశలనెడు తాళ్ళ నమరఁ గోయగఁ జేసి
పారవైవఁగాని పరము లేదు
కొక్కు తిండియాసఁ జిక్కి చచిచినయట్లు
విశ్వదాభిరామ వినుర వేమ

200.చెవులు గోరును మంచి జిలిబిలిపాటలఁ
దియ్యని మాటల తెఱఁగు వినఁగ
చర్మంబు గోఱును సరవితొడుత శీత
ప్రుథుల సంస్పర్శ సంపదల నెపుడు
కన్నులు గోరును గమలయవర్ణంబు
లయినట్టి రూపంబు లనువుతోడ
నాలుక గోరును నయముతోడుత తీపు
నొగరు కారమ్ము చేదుప్పు పులుసు
ముక్కు గోరును సద్గంధములను జెలఁగి
చెవులు చర్మంబు కన్నులు జిహ్వముక్కు
నిన్నియుం చాడినటువంటి యిల్లురోసి
తన్ను గనుగొని సుఖియింపఁ దగును వేమ

161-180

161.అధికుడైన రాజు నల్పుని చేపట్టు
వానిమాట చెల్లు వసుధలోన
గణికు లొప్పియున్న గవ్వల్లు చెల్లవా
విశ్వదాభిరామ వినుర వేమ

162.దానములను జేయఁదన చేతులాడక
బహుధనంబుఁగూర్చి పాతిపెట్టు
తుదను దండుగ నిడు మొదలు చేర్చునరుండు
విశ్వదాభిరామ వినుర వేమ

163.నిత్యంబు కానియొడలికి
నిత్యము దుఃఖమునఁబడును నిరతము ధరలో
నిత్యానందపు పదవికి
నిత్యంబును దుఃఖపడఁగ నేరదు వేమా

164.విను వివేక మనెడి వింతగొడ్డలిచేత
వలయువిద్యయనెడు నడవి నఱికి
తెలివి యనెడు గొప్ప దీపంబు చేఁబట్టి
ముక్తిఁ జూడవచ్చు మొనసి వేమ

165.ఎక్కడిసుతు లెక్కడిసతు
లెక్కడిబంధువులు సఖులు నెక్కడిభ్రుత్యుల్
డొక్కువడి పోవువేళలఁ
జక్కటిని నెవరురారు సహజము వేమా

166.పాలనీరుక్రమము పరమహంస యెఱుంగు
నీరుపాలక్రమము నెమలి కేల
అజ్ఞుఁడయినవాఁడు నలశివు నెఱుఁగునా
విశ్వదాభిరామ వినుర వేమ

167.కన్నులందు మదము గప్పి కానరుగాని
నిరుడు మీదటేఁడు నిన్న మొన్న
దగ్ధులయిన వారు తమకంటెఁ దక్కువా
విశ్వదాభిరామ వినుర వేమ

168.దీపంబు లేని యింటను
రూపంబును దెలియలేరు రూఢిగఁ దమలో
దీపమగు తెలివి గలిగియు
పాపంబులమఱుగుత్రోవఁ బడుదురు వేమా

169.ఏరుదాఁటి మెట్ట కేగినపురుషుండు
పుట్టి సరుకుగొనక పోయినట్లు
యోగపురుషుఁడేల యొడలిఁ బాటించురా
విశ్వదాభిరామ వినుర వేమ

170.మంటికుండవంటి మాయాశరీరంబు
చచ్చు నెన్నడయినఁ జావఁ డాత్మ
ఘటము లెన్నియైన గగనంబదేకమే
విశ్వదాభిరామ వినుర వేమ

171.మాయను చెఱసాల మనమను గొలుసును
భేదమనెడుబొండ బెరసియుండు
ఇట్టి బద్ధజీవి కెన్నడు మోక్షంబు
విశ్వదాభిరామ వినుర వేమ

172.ఎఱుకకన్నను సుఖమె లోకమునలేదు
ఎఱుకనెఱుఁగ నెవని కెఱుకలేదు
ఎఱుకసాటి యెఱుక యేతత్వమున లేదు
విశ్వదాభిరామ వినుర వేమ

173.కనియుండి కానలేరట
వినియుండియు వినగలేరు విస్మయ మేమో
కనుగ్రుడ్డియు వినుచెవుడం
చనునది నిజమయ్యె జగమునందున వేమ

174.ఊరకుంట దెలియ నుత్తమయోగంబు
మానసంబు కలిమి మధ్యమంబు
ఆసనాది విధుల నధమ యోగంబురా
విశ్వదాభిరామ వినుర వేమ

175.మనసుసూచి గెల్చి మనసులోసుఖియించి
కడకు మోక్షపదము గనునువాఁడు
చెట్టుఁబెట్ట ఫలము చేకూర కుండునా
విశ్వదాభిరామ వినుర వేమ

176.మాటలాడవచ్చు మనసు నిల్పగరాదు
తెలుపవచ్చు దన్నుఁ దెలియరాదు
సురియఁబట్టవచ్చు శూరుండు కారాదు
విశ్వదాభిరామ వినుర వేమ

177.చూపువెలయఁజేసి సూక్ష్మంబు వత్తిచే
చిత్తమనెడు దివ్వె నెన్ను పఱచి
పాపమనెడు తిమిర మేపాఱ పాపని
పాపజాతి గురుఁడు పశువు వేమ

178.గురువు చిల్లగింజ కుంభ మీదేహంబు
ఆత్మ కలుషవంక మడుగుఁబట్టఁ
దెలిసి నిలిచెనేని దివ్యామ్రుతంబురా
విశ్వదాభిరామ వినుర వేమ

179.గురుఁడనఁగా మొదలంతకు
గురుశిష్యు లనంగ నెల్ల కొమ్మలుకాగా
గురువును గానగఁ జాలరు
ధరలోపల మనుజులెల్లఁ దలపరు వేమా

180.గురుఁడనఁగా పరమాత్ముఁడు
పరగంగా శిష్యుఁడనఁగఁ బటుజీవుఁ డగు
గురుశిష్య జీవసంపద
గురుతరముగఁ గూర్చు నతఁడు గురువగు వేమా

141-160

141.ఎన్నాళ్ళకుఁ దానుండును
ఎన్నాళ్ళను దాని నేర్చి యెన్నిటవెలయుఁ
కొన్నాళ్ళకుఁ దాఁజన్నను
మన్నేయగు విద్యలెల్ల మహిలో వేమా

142.ధనమెచ్చిన మదమెచ్చును
మదమెచ్చిన దుర్గుణంబు మానక హెచ్చుఁ
ధనముడుగిన మదముడుగును
మదముడిగిన దుర్గుణంబు మానును వేమా

143.వినవలె నెవ్వరు చెప్పిన
వినినంతనె తమక పడక వివరింపవలె
విని కని వివరము దెలిసిన
మనుజుఁడెపో నీతిపరుఁడు మహిలో వేమా

144.ఈకపట నాటకంబును
ఈకపటపుఁ జదువులన్ని యింపు దలిర్ప
ఏకపటాత్ముఁడు సేసెనొ
యాకపటాత్మునకు మ్రొక్కి యలరుము వేమా

145.ఎండవేళఁ జీఁక టేకమైయున్నట్లు
నిండుకుండ నీరు నిలిచినట్లు
దండిగఁ బరమాత్మ తత్వంబు దెలియరా
విశ్వదాభిరామ వినుర వేమ

146.ఎండినమ్రా నొక టడవిని
నుండిన నందగ్ని పుట్టి యూడ్చును చెట్ల
దండిగలవంశ మెల్లను
చండాలుం డొకఁడుపుట్టి చెఱుచును వేమా

147.శిష్యవర్గమునకు శివుఁ జూపనేరక
కానిమతములోని గలుగునట్టి
గురునియెఱుక నరయ గ్రుడెద్దు చేనురా
విశ్వదాభిరామ వినుర వేమ

148.ఇంటిలోనిధనము నిదినాది యనుచును
మంటిలోనఁ దాచు మంకుజీవి
కొంచఁబోడు వెంట గుల్ల కాసును రాదు
విశ్వదాభిరామ వినుర వేమ

149.దేశవేశములను తేటసేయక దేవుఁ
డాత్మలోన నుండు ననగిపెనగి
వేషమరసిచూడ గ్రాసంబు కొఱకయా
విశ్వదాభిరామ వినుర వేమ

150.మిఱపగింజ జూడ మీఁద నల్లగనుండుఁ
గొఱికిచూడలోన చుఱుకుమనును
సజ్జను లగువారి సారమిట్టుల నుండు
విశ్వదభిరామ వినుర వేమ

151.పర్వత వనవాసి పరిణామ వర్తన
కూపవాసి కెట్టు గుఱుతుపడును
బ్రహ్మవిష్ణువెంటఁ బ్రాక్రుతుఁ డరుగునా
విశ్వదాభిరామ వినుర వేమ

152.కస్తూరి యటుచూడఁ గాంతి నల్లగనుండు
పరిమళించుదాని పరిమళంబు
గురువులయినవారి గుణము లీలాగురా
విశ్వదాభిరామ వినుర వేమ

153.దొంగతనము ఱంకు దొరసియుండుర జగతి
ఱంకులాడికింత శంకపుట్టు
దొంగకన్న ఱేవెలుం గొప్పకానట్లు
విశ్వదాభిరామ వినుర వేమ

154.గురువులేక విద్య గుఱుతుగా దొరకదు
న్రుపతిలేక భూమి త్రుప్తిగాదు
గురువు విద్య లేక గురుతర ద్విజుఁడౌనె
విశ్వదాభిరామ వినుర వేమ

155.అల్పసుఖములెల్ల నాశించి మనుజుండు
బహిళ దుఃఖములను బాధపడును
పరసుఖంబు నొంది బ్రకుతంగ నేరఁడు
విశ్వదాభిరామ వినుర వేమ

156.కాలవశముఁ బట్టి కర్మజీవులపిండు
మత్తులగుచును మదమత్తులైరి
మత్తులయిన జనుల మనసేటి మనసయా
విశ్వదాభిరామ వినుర వేమ

157.కడిగివట్టియాస కడతేఱనీయదు
ఇడుములండుఁ బెట్టి యీడ్చుఁగాని
పుడమి జనులభక్తిఁ బొడమంగ నియ్యదు
విశ్వదాభిరామ వినుర వేమ

158.పాలలోన బులుసు లీలతోఁగలిసిన
విఱిసి తునుక లగును విరివిగాను
తెలివి మనసులోన దివ్యతత్వము తేట
విశ్వదాభిరామ వినుర వేమ

159.దేహము లెస్సగ నుండిన
పోషణ తత్వంబులన్ని పొందుగఁ దెలియు
దేహము బడలికఁ బడినను
పోషణ తత్వములు వచ్చి పొందవు వేమా

160.ధర్మమరసి పూని ధర్మరాజాదులు
నిర్మలంపు ప్రౌఢి నిలుపుకొనిరి
ధర్మమే న్రుపులకు తారకయోగంబు
విశ్వదాభిరామ వినుర వేమ

వేమన పద్యములు ప్రథమాశ్వాసము(121-140)

121.మగనికాలమందు మగువ కష్టించిన
సుతుల కాలమందు సుఖముఁ బొందు
కలిమి లేములెందుఁ గలవెంతవారికి
బలిమి పుత్రబలిమె బలిమి వేమా

122.ఆఱురుచులు వేఱు సారంబు నొక్కటి
సత్యనిష్ఠ వేఱు సత్యమొకటి
పరమఋషులు వేఱు భావ్యుఁ డొక్కండురా
విశ్వదాభిరామ వినుర వేమ

123.తారకమంబుఁ జూచుదారి వేఱుగఁగల్గు
సమముగాను జూడఁ జక్కఁబడును
వెఱ్ఱిగాను జూడ వెలుగెల్ల బాఱురా
విశ్వదాభిరామ వినుర వేమ

124.సజ్జనముల చెలిమి చాలింపఁగా రాదు
ప్రక్రుతి నెఱుఁగకున్న భక్తిలేదు
పలువ లెట్టిరీతి భక్తి సల్పుదురయా
విశ్వదాభిరామ వినుర వేమ

125.ఇట్టికనుల బ్రహ్మ మెట్లు చూడఁగవచ్చు
జూచుకనులువేఱు చూపువేఱు
చూపులో నమరిచి చూడంగవలవదా
విశ్వదాభిరామ వినుర వేమ

126.దూలములనుబోలు దురవస్థలనునెల్ల
రోసి యాసలన్ని గోసివేసి
వాసనను దెలిసినవాఁడెపో బ్రహ్మంబు
విశ్వదాభిరామ వినుర వేమ

127.మన్నును దినమన్న మండేరు జనులార
మంటిలోనిమేలు మఱువనేల
నీళ్ళలోనిమేలు నిఖిలమై యుండురా
విశ్వదాభిరామ వినుర వేమ

128.జీవమేడ నుండు భావమెక్కడ నుండు
కాఁపురంబు లేడఁ గదిసియుండుఁ
దనరుచున్న రెంటిస్థల మేల తెలియరు
విశ్వదాభిరామ వినుర వేమ

129.ధనము గూడఁబెట్టి ధర్మంబు సేయక
తాను దినక లెస్స దాచుగాక
తేనె నీఁగె కూర్చి తెరువర్ల కియ్యదా
విశ్వదాభిరామ వినుర వేమ

130.ఇచ్చెడి వారలసంపద
హెచ్చునదే కాని లేమి యేలా కలుగున్
ఆచ్చెలమ నీళ్ళు చల్లిన
విచ్చలవిడి నూరుచుండు వినరా వేమా

131.పాలఁగలయునీరు పాలెయై రాజిల్లు
నదియు పానయోగ్య మయినయట్లు
సాధుసజ్జనముల సాంగత్యములచేత
మూఢజనుఁడు ముక్తి మొనయు వేమ

132.చెడినమానవులను చేపట్టి రక్షించి
కడకుఁజేర్చినట్టి ఘనులు దలఁప
కడగి పుణ్యమైనగల శివుసన్నిధి
నెడతెగకయునుందు రెపుడు వేమ

133.ఒకరి నోరుఁగొట్టి యొకరు భక్షింతురు
వారినోరు మిత్తి వరుసఁగొట్టు
చేఁపపిండు పిల్ల చేఁపలఁ జంపును
జనుఁడు చేఁపపిండుఁ జంపు వేమ

134.కన్నుపోవువాఁడు కాళ్ళుపోయినవాఁడు
నుభయులరయఁ గూడి యుండునట్లు
పేద పేదఁగూడి పెనగొని యుండును
విశ్వదాభిరామ వినుర వేమ

135.పరగ రాతిగుండు పగులఁగొట్టఁగ వచ్చుఁ
గొండలన్ని పిండిగొట్టవచ్చు
కఠినచిత్తు మనసు కరిగింప రాదయా
విశ్వదాభిరామ వినుర వేమ

136.అంత కొఱత దీఱి అతిశయకాముఁడై
నిన్ను నమ్మిచాల నిష్ఠతోడ
నిన్నుఁగొల్వ ముక్తి నిశ్చయముగఁ గల్గు
విశ్వదాభిరామ వినుర వేమ

137.తత్వము తిరమైన తావుల వెదకుచుఁ
దాను తత్వమగును తత్వయోగి
తలఁపులన్ని యుడుగఁ దానెపో తత్వంబు
విశ్వదాభిరామ వినుర వేమ

138.మాటలాడవేఱె మనసుకొలఁదియు వేఱె
యొడలగుణమువేఱె యోజవేఱె
యెట్లుగల్గు ముక్తి యేలాగు తనలాగు
విశ్వదాభిరామ వినుర వేమ

139.వెలఁది చక్కదనము వెరపైన యీడును
విభుని కరుణలేక వగతనుండు
నీదుకరుణలేక నేర్పులు కొఱగావు
విశ్వదాభిరామ వినుర వేమ

140.ఎంతకష్ట ముండు నంత పాపపుఁజింత
చింతచేత మిగులఁ జివుకు మనసు
చింతలేకయున్న చెడనిసంపదఁజూచు
విశ్వదాభిరామ వినుర వేమ